इटहरी । सुनसरीमा भएको सवारी दुर्घटनामा परी एक जनाको मृत्यु भएको छ ।
सुनसरीको कोसी गाउँपालिका–२ मा तत्काल नम्बर नखुलेको सवारी साधनले मोटरसाइकललाई ठक्कर दिँदा मोटरसाइकल चालकको मृत्यु भएको पूर्व क्षेत्रीय ट्राफिक प्रहरी कार्यालय इटहरीले जनाएको छ ।
लौकही–मधुवनी भित्री सडक खण्डमा दक्षिणतर्फ आउँदै गरेको को ३६ प ४०२७ नम्बरको मोटरसाइकललाई मङ्गलबार दिउँसो नम्बर नखुलेको सवारी साधनले ठक्कर दिएको थियो ।
दुर्घटनामा परेर मोटरसाइकल चालक सोही ठाउँका ४० वर्षीय मनोज यादवको मृत्यु भएको प्रहरीले जनाएको छ । गम्भीर घाइते भएका उनको उपचारका क्रममा जिल्ला अस्पताल इनरुवामा मृत्यु भएको हो ।
दुर्घटना ट्याक्टरले गराएको खुलेको छ ।
