२०७८ साल मङ्सिर १३ गते सोमबार

नराम्रा सपना देख्नबाट यसरी बच्नुहोस्

न्युजलय ३ मङ्सिर २०७८, शुक्रबार ०७:१५ मा प्रकाशित

एजेन्सी । कहिलेकांही त नराम्रा सपना देखेपछि रातको बीचैमा हाम्रो निद्रा खलबलिन्छ । यसले हामीलाई मानसिक तथा भावनात्मक स्वास्थ्यमा पनि असर गर्छ । एउटा रिपोर्टका अनुसार नराम्रा सपना आउनुको कारण पछिल्ला केही बिमारीहरु पनि कारण हुनसक्छन् । यो रोक्नका लागि हामी निम्न पाँच उपाय अपनाउन सक्छौँ –

१। तनावबाट टाढा बस्ने 

कयौँ बिमारीका कारण हामीलाई तनाव हुनसक्छ । तनावका कारण हामी चिन्ताग्रस्त हुनसक्छौँ । यसले हाम्रो स्वास्थ्यलाई समस्या पार्छ । त्यसैले अत्यन्त नराम्रा सपना देख्नुहुन्छ भने हामीले तनावलाई अन्त्य गर्नुपर्छ ।

२। सुत्ने रुटिन बदल्नुहोस्

लगातार निद्रा खराब हुनुको कारण सपना नराम्रो देखिन्छ पनि । त्यसैले के जरुरी छ भने हामीले खराब सपना देखिरहेका छौँ भने हाम्रो सुत्ने रुटिन बदल्नुपर्छ । हामीले हाम्रो बेडरुमको वातावरण यस्तो बनाउनु पर्छ कि निद्रा राम्रो परोस् ।

३। नोक्सान गर्छ मोबाइलको उज्यालोले पनि

विशेषज्ञहरुले सुझाव दिएका छन् कि राती सुत्नुभन्दा पहिले ग्याजेट्सहरु प्रयोग गर्नुहुँदैन । हामीले प्रयोग गर्ने मोबाइल, आइप्याडलगायतका ग्याजेट्सले हामीलाई समस्यामा पार्न सक्छन् । जसका कारण पनि हामीले नराम्रा सपना देख्न सक्छौँ । 

४। काल्पनिक उपचार

निदाउनुअघि नराम्रा कुरा कल्पना गर्नुभन्दा हामीले राम्रा कुराहरु कल्पना गर्नुपर्छ । यसले पनि हाम्रो सपनामा असर गर्ने वैज्ञानिहरुले बताएका छन् । 

५। आफ्नो सपनाबारे अरु कसैसँग कुरा गर्नुस्

आफ्नो सपनाबारे अरु कोहीसँग कुरा गर्नुहोस् । जो व्यक्ति तपाईं नजिक छ, तपाईंको कुरा जसले बुझ्छ उसँग सपनाका कुरा गर्दा नराम्रा सपनाहरु देख्न कम हुनसक्छ ।