मोरङ । मोरङमा हायसले ठक्कर दिँदा साइकलयात्रीको मृत्यु भएको छ ।
सुन्दरहरैँचा नगरपालिका–५ दुलारीमा आइतबार दिउँसो पूर्वतर्फ जाँदै गरेको बागमती प्रदेश ०८–००१ च ०४७ नम्बरको हायसले सडक पार गर्दै गरेको साइकललाई ठक्कर दिएको थियो ।
दुर्घटनामा साइकलयात्री सुन्दरहरैँचा–४ का ४४ वर्षीय चन्द्रकुमार राईको मृत्यु भएको जिल्ला प्रहरी कार्यालय मोरङले जनाएको छ ।
गम्भीर घाइते भएका उनलाई उपचारका लागि बीपी कोइराला स्वास्थ्य विज्ञान प्रतिष्ठान धरान लगिएको थियो । उपचारकै क्रममा चिकित्सकले मृत घोषित गरेको प्रहरीले जनाएको छ ।
हायस तीव्र गतिका कारण दुर्घटना भएको प्रहरीको प्रारम्भिक अनुसन्धानबाट खुलेको छ ।
हायस र चालक झापाको भद्रपुर नगरपालिका–८ का २६ वर्षीय विशाल दासलाई नियन्त्रणमा लिएर घटनाबारे थप अनुसन्धान भइरहेको प्रहरीको भनाइ छ ।
