मोरङ । मोरङको दुई छुट्टा छुट्टै स्थानमा सवारी दुर्घटनामा दुईजनाको मृत्यु भएको छ ।
सुन्दरहरैँचा नगरपालिका १० स्थित भित्री सडकखण्डमा प्र १ ०२ ०४६ प ३२१२ नम्बरको मोटरसाइकलले ठक्कर दिदाँ घाइते भएकी पैदलयात्री स्थानीय ६४ वर्षीया सीता गुरागाईँको मृत्यु भएको हो ।
घटनामा गम्भीर घाइते भएकी उनको उपचारको लागि नोबेल अस्पताल विराटनगर लगिएकोमा अस्पताल पुर्याउनसाथ मृत्यु भएको थियो ।
ठक्कर दिने मोटरसाइकल चालक ग्रामथान गाउँपालिका ७ का भुवन खप्तरीलाई इलाका प्रहरी कार्यालय बेलबारीले नियन्त्रणमा लिएको छ ।
त्यसैगरी बूढीगंगा गाउँपालिका ५ स्थितमा साइकल आफैँ अनियन्त्रित भएर दुर्घटना हुँदा घाइते भएका साइकलयात्री स्थानीय २५ वर्षीय जलेश्वर सरदारलाई उपचारको लागि विराट टिचिङ अस्पताल लगिएकोमा अस्पताल पुर्याउनसाथ मृत्यु भएको हो ।
घटना सम्बन्धमा जिल्ला प्रहरी कार्यालय मोरङबाट अनुसन्धान भइरहेको प्रहरीले जनाएको छ ।
