काठमाडौं । बुधबार(आज) नेपाली बजारमा सुनको मूल्य बढेको छ ।
मंगलबार प्रतितोला ९१ हजार ८०० रुपैयाँमा कारोबार भएको सुनको मूल्य आज बुधबार प्रतितोला ९२ हजार ३०० रुपैयाँमा कारोबार हुने सुनचाँदी व्यवसाय महासङ्घले जनाएको छ ।
हिजोको तुलनामा आज सुनको मूल्य प्रतितोला ५०० रुपैयाँले बढेको हो । महासङ्घका अनुसार आज तेजाबी सुनको मूल्य प्रतितोला ९१ हजार ३०० रुपैयाँ रहेको छ ।
यस्तै आज चाँदीको मूल्य पनि बढेको छ । हिजो मंगलबार प्रतितोला १ हजार १९० रुपैयाँमा कारोबार भएको चाँदी आज प्रतितोला १० रुपैयाँले बढेर १ हजार २०० रुपैयाँमा कारोबार हुने महासङ्घले जनाएको छ ।
