कविता

Newslaya Home

कविता

- मनोज कार्की
शनिबार ०८, जेठ २०७८

गरिब छ अनि सेलाएको चुलो,

त्यै चुलो पर्तिर दरवार बन्छ ।

नबन्ने हैन यो देशमा,

तर नया सरकार बन्छ ।

दवाइ मुलो, फेर्नै स्वास पनि,

कमाइ खाने परिकार बन्छ ।

नबन्ने हैन यो देशमा,

तर नया सरकार बन्छ ।

भोका नाङ्गा र रोगीहरु

खै कहिले सरोकार बन्छ ।

नबन्ने हैन यो देशमा,

तर नया सरकार बन्छ ।

घिटघिट जिजिविसाको दोसाधमा,

मृत्यु पर्खिरहेको समाचार बन्छ ।

नबन्ने हैन यो देशमा,

तर नया सरकार बन्छ ।

थोरै दुखे पनि त हुन्थ्यो,

जुन दिल दुख्दा आधार बन्छ ।

नबन्ने हैन यो देशमा,

तर नया सरकार बन्छ ।

भाग्यलाइ धिर्कार्दै बसेको,

नेपालीको कहिले निधार बन्छ ।

नबन्ने हैन यो देशमा,

तर नया सरकार बन्छ ।