नोपल टेलिकमले ल्यायो सस्तो मूल्यका डाटा तथा भ्वाइस प्याक अफर

Newslaya Home

नोपल टेलिकमले ल्यायो सस्तो मूल्यका डाटा तथा भ्वाइस प्याक अफर

मङ्गलबार २१, बैशाख २०७८

काठमाडौं । नेपाल टेलिकमले सहजरुपमा उपयोग गर्नसक्ने गरी सस्तो मूल्यका डाटा तथा भ्वाइस प्याक अफर सार्वजनिक गरेको छ ।

मंगलबार प्रेसविज्ञप्ती जारी गर्दे टेलिकमले कोरोना भाइरस (कोभिड–१९) को कारणले लागु गरिएको निषेधाज्ञाको समयमा ग्राहकवर्गको लागि सस्तो मूल्यका डाटा तथा भ्वाइस प्याक अफर ल्याएको जनाएको हो ।

टेलिकम कम्पनीका मोबाइल सेवा लिने ग्राहकहरुका लागि आकर्षक सुविधाहरु उपलब्ध गराएको विज्ञप्तिमा उल्लेख गरिएको छ ।

उक्त अफर लामो र छोटो दुबै समयमा उपयोग गर्न सकिने र उपयोगी हुने अपेक्षा लिएको छ । कम्पनीले एक जीबी प्रतिदिन बोनस सहितको भ्वाइस प्याक लिदाँ २८ दिनसम्म प्रत्येक दिन एक जीबी डाटा चलाउन र प्रतिदिन १४ मिनेट कुराकानी गर्न सकिने गरी ६४९ रुपियाँमा सेवा उपलब्ध गराएको छ ।

यो सुविधा लिन आफ्नो मोबाइलबाट स्टार १४१५ स्टार १ स्टार ८ स्टार २ ह्याज डायल गर्न सकिन्छ ।

अर्को ७ दिनका लागि १.५ जीबी प्याक ७ दिनसम्म १.५ जीबी डाटा प्रयोग गर्न मिल्नेगरी ९५ रुपियाँमा सेवा उपलब्ध गराएको जनाएको छ । यो सेवा लिन आफ्नो मोबाइलबाट स्टार १४१५ स्टार १ स्टार १ स्टार ४ ह्याज डायल गर्न सकिन्छ ।

त्यसै गरी दुई घण्टासम्म चल्ने अनलिमिटेड डाटा प्याक दुई घण्टासम्म असीमित डाटा चलाउन ३० रुपियाँमा यो सुविधा उपलब्ध गराएको छ यसका लागि आफ्नो मोबाइलबाट स्टार १४१५ स्टार ८ स्टार २ ह्याज डायल गर्न सकिने जनाएको छ ।

त्यसै गरी ५०० एमबी प्रतिदिन डाटा प्याक २९९ रुपैयाँमा २८ दिनसम्म प्रत्येक दिन ५०० एमबी डाटा प्रयोग गर्न मिल्नेगरी सेवा उपलब्ध गराइएको छ । यो प्याक लिनका लागि आफ्नो मोबाइलबाट स्टार १४१५ स्टार १ स्टार ९ स्टार ३ ह्याज डायल गर्न सकिने टेलिकमले जनाएको छ ।