सप्तरीमा विप्लव समूहका तीन जना कार्यकर्ता पक्राउ

Newslaya Home

सप्तरीमा विप्लव समूहका तीन जना कार्यकर्ता पक्राउ

शनिबार १५, फागुन २०७७

सप्तरी । सप्तरीमा नेत्रविक्रम चन्द विप्लवका समूहका तीन जना कार्यकर्ता पक्राउ परेका छन् ।

शनिबार (आज) बिहान खडक नगरपालिकाका रामनाथ मण्डल, राजविराजका उदयनाथ मण्डल र विष्णुपुरका रामकृष्ण मण्डललाई पक्राउ गरिएको सप्तरी प्रहरीले जनाएको छ ।

केही समययता व्यवसायी, कार्यालय प्रमुख तथा जनप्रतिनिधीहरुसँग चन्दा माग्ने, धम्काउने लगायत गैरकानुनी गतिविधि गरेको गुनासो आएपछि उनीहरुलाई पक्राउ गरिएको जनाइएको छ । प्रहरीले उनिहरुबाट विप्लव समूहका केहि कागजात पनि बरामद गरेको छ ।