साउदीमा कोरोना रोकथामका मापदण्ड नमानेलाई १ हजार रियालसम्म जरिवाना

Newslaya Home

साउदीमा कोरोना रोकथामका मापदण्ड नमानेलाई १ हजार रियालसम्म जरिवाना

शनिबार ०८, कार्तिक २०७७

दोहा । साउदी अरबमा कोरोना रोकथाम तथा नियन्त्रणबारे लागू गरिएका मापदण्ड नमाने जोकोहीलाई १ हजार रियालसम्म जरिबान गरिने भएको छ ।

आन्तरिक मन्त्रालयले कोरोना भाइरसको संक्रमण रोकथाम तथा नियन्त्रणमा गर्न लागू गरिएका मापदण्ड पूरा नगरे १ हजार साउदी रियाल जरिवाना गरिने जनाएको हो ।

मास्क नलगाउने, सामाजिक दूरी कायम नगर्ने, एक निजी वा सार्वजनिक ठाउँमा प्रवेश गर्दा तापक्रम जाँच नगर्ने जो कोहीलाई जरिवाना हुने मन्त्रालयले जनाएको छ । तापक्रम ३८ डिग्री सेल्सियस भन्दा माथि भए प्रवेश पाइने छैन ।

मन्त्रालयले सुरुमा मे महिनामा यस्तो चेतावनी जारी गरेको थियो तर कोरोना भाइरसको दोस्रो चरण सुरु भएकाले त्यो रोक्नको लागि यो निर्णय फेरि जारी गर्नु पारेको जनाएको छ ।

साउदी अरबमा अहिलेसम्म कोरोना सङ्क्रमित हुनेको सङ्ख्या ३ लाख ४४ हजार १५८ पुगेको छ ।

उपचारपछि निको हुनेको संख्या ३ लाख ३० हजार ५७८ पुगेको छ भने संक्रमणका कारण ५ हजार २ सय ६४ जनाले ज्यान गुमाएका छन् ।