सेप्टी ट्याङ्कीमा डुबेर एक बालकको मृत्यु

Newslaya Home

सेप्टी ट्याङ्कीमा डुबेर एक बालकको मृत्यु

आइतबार ०४, असोज २०७७

बुटवल । रुपन्देहीको भैरहवामा सेप्टी ट्याङ्कीमा डुबेर आज (आइतबार) एक जना बालकको मृत्यु भएको छ ।

जिल्लाको सिद्धार्थनगर नगरपालिका–१० दोदगहरी निवासी झिम्की कुर्मीका १० वर्षीय छोरा सुग्रिम कुर्मीको छिमेकीको निर्माणाधिन घरको सेप्टी ट्याङकीमा डुबेर मृत्यु भएको जिल्ला प्रहरी कार्यालय रुपन्देहीका प्रवक्ता प्रहरी नायब उपरीक्षक खड्कबहादुर खत्रीले जानकारी दिए ।

मृतक बालक शनिबार बेलुका ५ बजेदेखि हराएका र उनको खोजी गर्दा आज घरदेखि करिब २०० मिटरको दूरिमा रहेको श्रवण लोनियाको निर्माणाधीन घरको सेप्टी ट्याङ्की भित्र पानीमा डुबी मृत अवस्थामा फेला परेको प्रहरी उपरीक्षक खत्रीले बताए ।

घटनाको विषयमा थप अनुसन्धान भइरहेको बताइएको छ ।