काठमाडौं उपत्यकामा थप १८ प्रहरीमा कोरोना पुष्टि

Newslaya Home

काठमाडौं उपत्यकामा थप १८ प्रहरीमा कोरोना पुष्टि

शुक्रबार १६, साउन २०७७

काठमाडौं । काठमाडौंका १८ जान प्रहरीमा कोरोना संक्रमण देखिएको छ।

प्रहरी प्रधान कार्यालय नक्सालको सवारी शाखामा कोरोना सङ्क्रमण देखिएपछि कन्ट्याक्ट ट्रेसिङका आधारमा नेपाल प्रहरी अस्पताल महाराजगञ्जमा गरिएको स्वाब सङ्कलनको परीक्षणबाट शुक्रबार(आज) बिहानमात्र थप १८ प्रहरीमा कोरोना सङ्क्रमण पुष्टि भएको हो।

हालसम्म काठमाडौं उपत्यकामा ७२ र उपत्यका बाहिर २५० गरी ३२२ प्रहरीमा कोरोना सङ्क्रमण पुष्टि भएको जानकारी दिए। कोरोना पुष्टि भएकामध्ये १०१ जना निको भएर घर फर्किसकेका छन्।

उपत्यकामा कोरोना पुष्टि भएका बिरामीलाई उपचारका लागि सशस्त्र प्रहरी बलको बलम्बु अस्पतालमा लगिएको प्रहरी प्रधान कार्यालयले जनाएको छ।