घर पठाउन माग गर्दै कचनकवलको क्वारेन्टिनमा बसेकाहरु आन्दोलित

Newslaya Home

घर पठाउन माग गर्दै कचनकवलको क्वारेन्टिनमा बसेकाहरु आन्दोलित

मङ्गलबार २०, जेठ २०७७

झापा । आफूहरुलाई छिटो घर पठाउन माग गर्दै झापाको कचनकवल गाउँपालिकाको बनियानीस्थित लक्ष्मी प्रसाद देवकोटा माध्यमिक विद्यालयको क्वारेन्टिनमा बसेकाहरुले आन्दोलन गरेका छन् ।

पहिले आफूहरुसँगै रहेका १७ जना कोरोना संक्रमित बिरामी बीपी कोइराला स्वास्थ्य विज्ञान प्रतिष्ठान धरानबाट डिस्चार्ज भइसक्दा पनि आफूहरुलाई क्वारेन्टिनमै राखिएको भन्दै उनीहरु आन्दोलित भएका हुन् ।

अहिले लक्ष्मीप्रसाद देवकोटा माविको क्वारेन्टाइनमा ४२ जनालाई राखिएको छ । कचनकवल गाउँपालिकाका अध्यक्ष अन्जरा आलमले भने, ‘बीपी प्रतिष्ठानले रिपोर्ट दिन ढिलो गर्दा तनाव भइसक्यो । क्वारेन्टाइनमा बसेकाहरु भाग्न खोज्छन् ।’

अध्यक्ष आलमका अनुसार उनीहरुको पहिलो रिपोर्ट नेगेटिभ आएको थियो । दोस्रो रिपोर्टका लागि नमूना पठाएको एक हप्ता बितिसक्दा पनि प्रतिष्ठानले रिपोर्ट नदिएको उनले गुनासो गरे ।