विराटनगरलाई ९९ करोड, इटहरीलाई ७३ र धरानलाई ७९ करोड (कुन तहले कति पाए)

Newslaya Home

विराटनगरलाई ९९ करोड, इटहरीलाई ७३ र धरानलाई ७९ करोड (कुन तहले कति पाए)

शनिबार १७, जेठ २०७७

इटहरी । सरकारले आर्थिक वर्ष २०७७/७८ का लागि देशभरका स्थानीय तहलाई दुई खर्ब ६३ अर्ब ७५ करोड विनियोजन गरेको छ ।

अर्थमन्त्री डा. युवराज खतिवडाले सात सय ५३ स्थानीय तहका लागि २ खर्ब ६३ अर्ब ७५ करोड विनियोजन गरेको जानकारी दिए ।

सरकारले ६ वटा महानगरपालिका लागि ९ अर्ब ४७ करोड, उपमहानगरपालिकाका लागि ९ अर्ब ९ करोड, नगरपालिकाका लागि एक खर्ब १५ अर्ब ९८ करोड विनियोजन गरेको छ ।

गाउँपालिकाका लागि एक अर्ब २८ करोड १९ लाख विनियोजन गरेको छ। प्रदेश र स्थानीय तहका लागि सरकारले समानीकरण, सःसर्त, विशेष र समपूरक गरी चार किसिमको बजेट छुट्याइएको छ ।

प्रदेश १ को कुरा गर्दा विराटनगर महानगरपालिकाले ९९ करोड ३१ लाख रुपैया बजेट पाएको छ । यस्तै इटहरी उपमहानगरपालिकाले ७३ करोड ७८ लाख रुपैया पाएको छ भने धरान उपमहानगरपालिकाले ७९ करोड ७९ लाख रुपैया पाएको छ ।

यसैगरी सुनसरीका इनरुवा, दुहबी, बराहक्षेत्र, रामधुनी नगरपालिकाहरुले क्रमशः ४१ करोड ८२ लाख, ४१ करोड २८ लाख, ५६ करोड ७७ लाख, ३६ करोड ३३ लाख रुपैया पाएका छन् । यस्तै सुनसरीकै गाउँपालिकाहरु कोशी गाउँपालिकाले ३१ करोड ११ लाख रुपैया र हरिनगर गाउँपालिकाले ३५ करोड २७ लाख रुपैया बजेट पाएको छ ।

हेरौं, पुर्वका मुख्य नगरपालिकाहरुले कति बजेट पाए,

उर्लाबारी नगरपालिका ४८ करोड ३८ लाख
पथरी शनिश्चरे नगरपालिका ४६ करोड ४९ लाख
बेलबारी नगरपालिका ४५ करोड ३१ लाख
रंगेली नगरपालिका ४६ करोड ०७ लाख
रतुवामाई नगरपालिका ४३ करोड ३३ लाख
लेटाङ नगरपालिका ३३ करोड १४ लाख
ुसुनवर्षी नगरपालिका ३७ करोड ८१ लाख
सुन्दरहरैंचा नगरपालिका ५६ करोड ८० लाख

मेचीनगर नगरपालिका ७० करोड ७७ लाख
दमक नगरपालिका ६६ करोड २६ लाख
बिर्तामोड नगरपालिका ६० करोड ४८ लाख

त्रियुगा नगरपालिका ६९ करोड ४४ लाख
बेलका नगरपालिका ३८ करोड ८२ लाख

धनकुटा नगरपालिका ४५ करोड ३५ लाख
खाँदबारी नगरपालिका ४६ करोड ७१ लाख