नौ लाख रुपैयाँसहित एक भारतीय पक्राउ

Newslaya Home

नौ लाख रुपैयाँसहित एक भारतीय पक्राउ

शनिबार १०, जेठ २०७७

सप्तरी । सप्तरी प्रहरीले नौ लाख नेपाली रुपियाँसहित एक भारतीय नागरिकलाई शनिबार पक्राउ गरेको छ ।

पक्राउ पर्नेमा भारतको सुपौल जिल्ला अन्तर्गत बथनाहा ग्राम पञ्चायत वडा नं. १७ निवासी फुलकुमार मेहता रहेका छन् ।

लकडाउनको उल्लंघन गर्दै झोलामा दुई केजी चिनीमा लुकाएर ल्याउँदै गरेको नगदसहित निजलाई सप्तरीको हनुमाननगर कंकालिनी नगरपालिका वडा नं.१४ बाट प्रहरी चौकी रम्पुरा मल्हनियाँको टोलीले नियन्त्रणमा लिएको जिल्ला प्रहरी कार्यालय सप्तरीले जनाएको छ ।

नगद सहित निजलाई जिल्ला प्रहरी कार्यालय सप्तरीमा बुझाई थप अनुसन्धान भईरहेको बताइएको छ ।