अनिश्चितकालका लागि राष्ट्रिय सभा बैठक स्थगित

Newslaya Home

अनिश्चितकालका लागि राष्ट्रिय सभा बैठक स्थगित

शुक्रबार ०७, चैत २०७६

काठमाडौं । कोरोना भाइरसको संक्रमणको जोखिमका कारण राष्ट्रियसभाको बैठक स्थगित भएको छ ।

राष्ट्रियसभा अध्यक्ष गणेश तिमल्सिनाले कार्य व्यवस्था परामर्श समितिको सुझावका आधारमा शुक्रबारका लागि तय भएको बैठक अर्को सूचना जारी नगरेसम्मका लागि स्थगन गरेका हुन् ।

राष्ट्रियसभाका सचिव राजेन्द्र फुयालले कोरोनाका संक्रमण हुन नदिन सरकारले सबै शक्तिकेन्द्रित गरेका बेला थप सतर्कता अपनाउनुपर्ने देखिएकाले संघीय संसदका दुवै सदनको बैठक स्थगित भएको जानकारी दिए ।

प्रतिनिधिसभाको बैठक समेत १३ गतेसम्मलाई स्थगित गरिसकिएको छ ।