फोटो पत्रकार महासंघ सुनसरीको अध्यक्षमा पत्रकार चाम्लिङ

Newslaya Home

फोटो पत्रकार महासंघ सुनसरीको अध्यक्षमा पत्रकार चाम्लिङ

आइतबार २९, मङि्सर २०७६

धरान । धरानमा आइतबार नेपाल फोटो पत्रकार महासंघ सुनसरीको प्रथम जिल्ला अधिवेशन सम्पन्न भएको छ ।

महासंघको प्रथम अधिवेशनले विकास चाम्लिङको अध्यक्षतामा १७ सदस्यीय नयाँ कार्यसमिति चयन गरेको छ । समितिको उपाध्यक्षमा नविन गड्तौला, सचिवमा शिशिर राई, सहसचिवमा नसिमराज अन्सारी, कोषाध्यक्षमा सुनिता केसी राई चयन भएका छन् । यस्तै, सदस्यहरुमा सोहन श्रेष्ठ, सागर सिञ्जाली, सञ्जु राई, आइसमा लिम्बु, शुक्रान्त राई, नरेन कुलुङ, लक्ष्मण थापा, सनम तामाङ, रुद्र घिमिरे, सन्जय याक्खा, त्रिलोचन पौड्याल र विक्रान्त श्रेष्ठ चयन भएका हुन् ।

समितिका उपाध्यक्ष वेदराज पौडेलको अध्यक्षतामा भएको अधिवेशनको उद्घाटन सत्रमा महासंघका केन्द्रीय महासचिव हरि रेग्मी प्रमुख अतिथि रहेका थिए । उनले फोटो पत्रकार प्रविधिको विकाससंगै अगाडी बढ्न आवश्यक भएको बताए । उनले फोटो पत्रकार र समाचार लेख्ने पत्रकारहरुको आआफ्नै महत्वपुर्ण जिम्मेवारी भएको बताउँदै पत्रकार महासंघसँग संस्थागत रुपमा सहकार्य गरेर अगाडी बढ्नुपर्ने समेत बताए । ्

उद्घाटन समारोहलाई पत्रकार महासंघ सुनसरीका पुर्वअध्यक्ष राजेश विद्रोही, महासंघ सनुसरीका सहसचिव दिनेश गजमेरले पनि सम्बोधन गरेका थिए ।

नवनिवार्चित कार्यसमिति गठन लगत्तै बसेको पहिलो बैठकले नेपाल पत्रकार महासंघ सुनसरीका उपाध्यक्ष सन्तोष काफ्लेमाथी भएको आक्रमणको घटनाप्रति गम्भीर ध्यानाकर्षण भएको प्रस्ताव पारित गरेको छ । साथै, कुटपिटमा सलग्नलाई दोषीलाई कडा कानुनी कारबाही गर्न पनि बैठकले माग गरेको अध्यक्ष चाम्लिङले जानकारी दिए ।

यस्तै, आधारभुत फोटो पत्रकारीता सम्बन्धी तालिमको आयोजना गर्ने र नेपाल भ्रमण वर्ष २०२० लाई लक्षित गदै फोटो प्रतियोगिता आयोजना गर्ने निर्णय गरिएको अध्यक्ष चाम्लिङले बताए ।