सागमा पदक जित्ने खेलाडीलाई नगद पुरस्कार दिने प्रदेश ३ सरकारको निर्णय

Newslaya Home

सागमा पदक जित्ने खेलाडीलाई नगद पुरस्कार दिने प्रदेश ३ सरकारको निर्णय

सोमबार २३, मङि्सर २०७६

हेटौंडा । प्रदेश नम्बर ३ सरकारले प्रदेश भित्रका १३ औं दक्षिण एशीयाली खेलकुद (साग) का विजेताहरुलाई पुरस्कार दिने भएको छ ।

मुख्यमन्त्री डोरमणि पौडेलको अध्यक्षतामा बसेको मन्त्रिपरिषद्को बैठकले जारी सागका ३ नम्बर प्रदेश भित्रका स्वर्ण पदक विजेता खेलाडीलाई एक लाख, रजत पदक विजेतालाई ५० हजार र कास्य पदक बिजेतालाई २५ हजार नगदसहित सम्मान गर्ने निर्णय गरेको हो ।

खेलाडीलाई प्रोत्साहन गर्न उनीहरुलाई नगद पुरस्कार दिन लागिएको हो । यसैगरी बैठकले प्रदेश अनुसन्धान व्युरो गठनका लागि सैद्धान्तिक सहमति दिने पनि निर्णय गरेको छ ।

जनता आवास कार्यक्रम कार्यान्वयन पहिलो संसोधन कार्यविधि–२०७६ को स्वीकृत गर्ने, मुख्यमन्त्री जनता स्वास्थ्य परीक्षण कार्यक्रम सञ्चालन कायविधि–२०७६ स्वीकृत गर्नेलगायतका निर्णयहरु गरिएको सरकारका प्रवक्ता आर्थिक मामिला तथा योजनामन्त्री कैलाश ढुंगेलले जानकारी दिए ।