फेसबुक अब विश्वको पाँचौँ अंग : जुकरबर्ग

Newslaya Home

फेसबुक अब विश्वको पाँचौँ अंग : जुकरबर्ग

आइतबार ०३, कार्तिक २०७६

काठमाडौं । फेसबुकका पिता मार्क जुकरबर्गले फेसबुक अब विश्वको पाँचौँ अंगको रुपमा स्थापित भएको उद्घोष गरेका छन् ।

सामाजिक सञ्जालको कारण आज आम सर्वसाधारणको हातमा सत्ता रहेको बताउँदै उनले भनेका छन्, ‘मानिसहरु आफ्नो अभिव्यक्ति सामाजिक सञ्जालको माध्यमबाट संसारभर पुर्‍याउन सफल भएका छन् ।’

उनले अब मानिसहरुलाई आफ्नो अभिव्यक्ति व्यक्त गर्नका लागि कुनै दोस्रो प्लेटफर्म अर्थात विकल्प आवश्यक नरहेको बताएका छन् ।

वाशिंगटनस्थित जर्जटाउन युनिभर्सिटीमा आयोजित एक कार्यक्रमलाई सम्बोधन गर्दै उनले फेसबुक जस्तो सामाजिक सञ्जालबाट मानिसहरुले आफ्नो अभिव्यक्ति राख्न सकेको बताए ।

जुकरबर्गले समाजमा हिंसा तथा नकरात्मक असर पार्ने पोस्टहरुलाई फेसबुकले समर्थन नगर्ने पनि स्पष्ट पारे ।