त्रिकोणात्मक सिरिजको उपाधि जिम्बावेलाई

Newslaya Home

त्रिकोणात्मक सिरिजको उपाधि जिम्बावेलाई

शुक्रबार १७, असोज २०७६

काठमाडौं । सिंगापुरमा सम्पन्न त्रिकोणात्मक टी–ट्वान्टी क्रिकेट सिरिजको उपाधि जिम्बावेले हात पारेको छ ।

बिहिबार राति भएको खेलमा सिंगापुरलाई ८ विकेटले पराजित गर्दै जिम्बावे सिरिज जित्न सफल भएको हो । इन्डियन एसोसियसनको मैदानमा सिंगापुरले दिएको १६८ रनको लक्ष्य जिम्बावेले १८ ओभर ४ बलमा मात्र २ विकेटको क्षतिमा पूरा गरेको थियो ।

जिम्बावेका लागि पिटर मुरले ९२ रनको अर्धशतकीय इनिङ्स खेले । यस्तै टोनी मुन्योगाले ४४ रन बनाए । यस अघि टस हारेर पहिले ब्याटिङ गरेको सिंगापुरले २० ओभरमा ७ विकेटको क्षतिमा १ सय ६७ रन बनाएको थियो ।

जितसँगै जिम्बावेले ४ खेलमा ६ अंक जोडेर शीर्ष स्थान हासिल गर्दै सिरिजमा कब्जा जमाएको हो । सिरिजमा ३ अंक जोडेको नेपाल दोस्रो भयो । आयोजक सिंगापुर ३ अंक जोडेर तेस्रो स्थानमा रह्यो ।