यसकारण नियमित अचार नखानुहोस्

Newslaya Home

यसकारण नियमित अचार नखानुहोस्

बुधबार २५, भदौ २०७६

प्रायः मानिसहरु खाना खाँदा दाल, भात र तरकारीसँग अलिकति अचार पनि खान रुचाउँछन् । अचारले खाना रुचाउन मद्दत गर्छ । बट्टामा खाँदिएको अचार बजारमा सजिलै पाइन्छ । तर नियमित रूपमा अचार खाँदा यसले स्वास्थ्यमा हानि पुर्याउँछ । स्वादिष्ट अचारका बेफाइदाहरु पनि हुन्छन् । आनुहोस् जानौं यसका हानि बारेः

मधुमेहमा हानिकारक
मधुमेहका रोगीले अचार खानु हुँदैन । अचार बनाउँदा लामो समय टिकोस् भनेर चिनी पनि हालिएको हुन्छ । चिनीयुक्त अचार मधुमेहको रोगीले सेवन गर्नुहुँदैन ।

पाचनप्रणालीमा असर
धेर अचार खाँदा पेट फुल्छ र दुख्छ । धेर अचार खाने मानिसलाई पेटको क्यान्सर हुने सम्भावना हुन्छ ।

आन्द्रामा अल्सर
अचारमा मसला र तेल धेरै हालिएको हुन्छ । यसको अत्यधिक सेवनले आन्द्रामा अल्सर हुनसक्छ ।

उच्च रक्तचाप
अचारमा धेरै नून हालिएको हुन्छ र धेरै नून खाँदा रक्तचाप बढ्न थाल्छ । तपाईंलाई उच्च रक्तचाप छ भने अचार नखानुस् ।

शरीर सुन्निने
अचारलाई लामो समयसम्म सुरक्षित राख्नका लागि सोडियमयुक्त नून हालिएको हुन्छ । सोडियमका कारण शरीरले पानीको मात्रा कायम राखेर अस्म्याटिक सन्तुलन गराउनुपर्ने हुन्छ जसकारण शरीर सुन्निन्छ । शरीर बढी नै सुन्नियो भने चिकित्सकलाई देखाउनुस् ।

ट्राईग्लिसराइड उच्च
अचारमा हालिने प्रिजर्भेटिभ्सले त्यसको आयु त बढाउँछन् तर स्वास्थ्यलाई हानि पुर्याउँछन् । प्रिजर्भेटिभ्समा तेलको मात्रा बढी हुन्छ र शरीरमा ट्राईग्लिसराइडको स्तर बढ्छ ।

अचारले स्वाद बढाएपनि स्वास्थ्यमा धेरै समस्या ल्याउने हुनाले सकेसम्म बट्टामा खाँदिएको अचार खाँदै नखानुस् । त्यसको साटोमा दिनदिनै घरमा ताजा चटनी बनाएर खाने गर्नुहोस् । अचारमा जिभ्रो झुण्डिएको छ भने त्यसको मात्रा आजैबाट घटाउन थाल्नुहोस् ।