हरेक ४० सेकेण्डमा एक जनाले गर्छन् आत्महत्या

Newslaya Home

हरेक ४० सेकेण्डमा एक जनाले गर्छन् आत्महत्या

मङ्गलबार २४, भदौ २०७६

संसारभरी हरेक वर्ष झण्डै आठ लाख जनाले आत्महत्या गर्ने गरेको पाइएको छ । विश्व स्वास्थ्य संगठन (डब्लूएचओ)ले सार्वजनिक गरेको तथ्याङ्क अनुसार औसतमा हरेक ४० सेकेण्डमा एक जनाले आत्महत्या गर्ने गरेको देखिएको छ ।

प्रतिवेदनमा आत्महत्या गरेर ज्यान गुमाउनेको भन्दा धेरै बढी अन्य घटनाबाट ज्यान गुमाउनेको संख्या रहेको उल्लेख गरिएको छ । विषेशगरी युद्ध, हत्या, स्तन क्यान्सरलगायतका कारण नै मानिसको मृत्युका मुख्य कारण रहेको डब्लूएचओले सोमबार जनाएको छ ।

पछिल्लो विवरण अनुसार, राष्ट्रसंघीय स्वास्थ्य निकायले विश्वभरी आत्महत्या गर्नेको संख्या भने पहिलेको तुलनामा अहिले घटेको उल्लेख गरेको छ । तर जनसंख्या नै बढेकाले आत्महत्या गर्नेको संख्या बढेको जस्तो देखिएको राष्ट्रसंघीय अधिकारीहरुले बताएका छन् ।

तर आत्महत्या दर कम भएका देशमा प्रत्येक एक लाखमा औसत पाँच जनाले आत्महत्या गर्ने गरेका र सबैभन्दा बढी गुयानामा औसत ३० जनाले आत्महत्या गर्ने गरेका अध्ययन प्रतिवेदनमा उल्लेख छ ।

विश्वभरी आत्महत्या गर्नेको सङ्ख्या हेर्दा सन् २०१० देखि सन् २०१६ सम्ममा झण्डै १० प्रतिशत घटेको देखिएको छ । संसारमा अमेरिका मात्रै एउटा त्यस्तो देश हो जहाँ पछिल्लो समयमा आत्महत्याको घटना बढ्दो छ ।