४१ करोड फेसबुक प्रयोगकर्ताको फोन नम्बर चोरी

Newslaya Home

४१ करोड फेसबुक प्रयोगकर्ताको फोन नम्बर चोरी

बिहीबार १९, भदौ २०७६

काठमाडौं । डेटा चोरीका कारण पटक–पटक आलोचना खेपिरहेको फेसबुकबाट ४१ करोड प्रयोगकर्ताको फोन नम्बर लिक भएको समाचार सार्वजनिक भएको छ ।

तीमध्ये अमेरिकाका १३ करोड, बेलायतका १ करोड ८० लाख र भियतनामका ५ करोड फेसबुक प्रयोगकर्ता रहेको टेकक्रन्चले जनाएको छ । सिक्योरिटी रिसर्चर संयम जैनका अनुसार ४१ करोड प्रयोगकर्ताको फोन नम्बरका साथै नाम, लिंग तथा देशको जानकारी पनि लिक भएको हो ।

फेसबुकको लापर्वाहीका कारण यति ठूलो मात्रामा डेटा लिक भएको हो । सर्भरमा पासवर्ड नराखेका कारण जोसुकैले सूचनामा पहुँच प्राप्त गरेका हुन् । फेसबुकले भने यी डेटा पुराना भएको र पहिले नै कसैले ती डेटा लिएको स्पष्टीकरण दिएको छ ।

यसभन्दा पहिले पनि फेसबुकबाट डेटा चोरी प्रकरण बाहिर आइसकेको छ । सन् २०१६ को अमेरिकी राष्ट्रपतिको चुनावमा ८ करोड फेसबुक प्रयोगकर्ताको डेटा चोरी भएको आरोप लागेको थियो ।