भारी वर्षाका कारण डुब्यो मुम्बई, १४ राज्यमा हाइ अलर्ट

Newslaya Home

भारी वर्षाका कारण डुब्यो मुम्बई, १४ राज्यमा हाइ अलर्ट

बिहीबार १९, भदौ २०७६

काठमाडौं । भारी वर्षाका कारण भारतको जनजीवन कष्टकर बनेको छ । वर्षाले महाराष्ट्र, गुजरात तथा मध्य प्रदेशसहित थुप्रै राज्यमा जनजीवन अस्तव्यस्त बनेको हो ।

मौसम विभागले बिहीबार गुजरातमा सबैभन्दा बढी वर्षा हुने आशंका जनाएको छ । मध्यप्रदेश, छत्तीसगढ, राजस्थानसमेत १४ राज्यमा भारी वर्षाको चेतावनी दिएको छ ।

मुम्बईमा मंगलबार रातिदेखि वर्षा भइरहेको छ । जसका कारण सडक, रेल तथा हवाई व्यवस्था अस्तव्यस्त भएको छ । मौसम विभागले आगामी तीन दिनसम्म भारती वर्षा हुने जनाएको छ ।

नागपुरका करिब १०० गाउँको सम्पर्क टुटेको छ । मन्त्रालयले १००० कर्मचारीलाई मन्त्रालयमै रोकेर राखेको छ ।