थाइल्यान्डमा सवारी दुर्घटना हुँदा ११ जनाको मृत्यु

Newslaya Home

थाइल्यान्डमा सवारी दुर्घटना हुँदा ११ जनाको मृत्यु

आइतबार ०१, भदौ २०७६

काठमाण्डौ । थाइल्यान्डमा एउटा मजदूर बोकेको भ्यान अर्को ट्रकसँग जुध्दा ११ जना मजदूरको मृत्यु भएको छ । स्थानीय सञ्चार माध्यमका अनुसार आइतबार भएको उक्त दुर्घटनामा अन्य चार जना घाइते भएका छन् ।

भ्यानमा भिसा नवीकरणका लागि लाओसका कामदारहरु सवार थिए । उनीहरु सा काओ प्रान्तबाट चान्थाबुरी अध्यागमन कार्यालयतर्फ गइरहेका थिए । प्रहरीले भ्यानका चालक निदाएको हुन सक्ने बताएको छ ।

राजमार्गमा उक्त भ्यान विपरीत दिशातर्फ गएर अर्को ट्रकलाई ठक्कर दिएको थियो । उद्धारकर्मीहरुले मृतक एवं घाइतेको तत्कालै उद्धार गरेका थिए ।