​अध्यादेश स्वीकृत,सरकार गठनबारे विवाद

Newslaya Home

​अध्यादेश स्वीकृत,सरकार गठनबारे विवाद

शनिबार १५, पुष २०७४

काठमाडौँ । नयाँ सरकार गठन राष्ट्रिय सभा निर्वाचन अघि कि पछि भन्नेमा यतिवेला दलहरूबीच विवाद बढेको छ । राष्ट्रिय सभा निर्वाचनसम्बन्धी अध्यादेश राष्ट्रपति विद्यादेवी भण्डारीले स्वीकृत गरेलगत्तै नयाँ सरकार गठनबारे विवाद सुरु भएको हो ।
एमालेले प्रतिनिधिसभा पूर्ण भएलगत्तै सरकार बन्ने तर्क गरिरहेको छ । त्यसका लागि निर्वाचन आयोगले तत्काल प्रतिनिधिसभाको समानुपातिकतर्फको सिट संख्या सार्वजनिक गर्नुपर्ने अडान उसले राखेको छ । कांग्रेसले भने राष्ट्रिय सभा गठन नभई नयाँ सरकार बन्न नसक्ने जिकिर गरेको छ ।

प्रधानमन्त्री शेरबहादुर देउवा प्रदेश सभा प्रमुख नियुक्ति, अस्थायी राजधानी तोक्ने, राष्ट्रिय सभा निर्वाचन गर्ने र राष्ट्रिय सभामा सरकारले मनोनीत गर्ने तीन सदस्य मनोनीत गरेर मात्र सरकार छाड्ने मनस्थितिमा रहेका छन् । भने एमालेले राष्ट्रिय सभाको निर्वाचन र राष्ट्रिय सभामा मनोनीत गरिने सदस्य वर्तमान सरकारले गर्न नपाउने तर्क गरिहेको छ । यी विवादहरु सल्ट्याउन प्रमुख दलहरूबीच छलफल भने हुन सकेको छैन ।