​ट्वीटरमा अक्षरको सीमा दोब्बरले बढ्यो

Newslaya Home

​ट्वीटरमा अक्षरको सीमा दोब्बरले बढ्यो

बिहीबार २३, कार्तिक २०७४

काठमाडौं । ट्वीटरमा अक्षरको सीमा दोब्बरले बढेको छ । अहिलेसम्म प्रयोगकर्ताले केवल एक सय ४० अक्षरमा आफ्नो कुरा ट्वीट गर्न पाउँथे भने अब दुई सय ८० अक्षरमा ट्वीट गर्न पाउने भएका छन् । 
यद्यपि,  चिनियाँ, जापानी तथा कोरियाली भाषामा लेख्नेहरुका लागि चाहिँ अक्षरको सीमा अहिले पनि एक सय ४० नै रहनेछ । किनकि यी भाषामा लेख्नका लागि निकै कम अक्षरको आवश्यकता पर्दछ ।
कम्पनीका अनुसार अंग्रेजी भाषामा लेखिने नौ प्रतिशत ट्वीटमा अधिकतम सीमा एक सय ४० अक्षरको नै उपयोग नै हुने गरेको छ । मानिसहरुले अक्षरको सीमाका कारण धेरैजसो समय आफ्ना ट्वीट सम्पादन गर्दछन् वा अक्षर नपुगेसँगै ट्वीट नै प्रकाशित गर्दैनन् । तर अक्षरको सीमा बढेसँगै ट्वीटरमा ट्वीट गर्नेहरुको संख्या पनि बढ्ने अनुमान गरिएको छ ।
धेरै हप्तादेखिको परिक्षण पश्चात ट्वीटरले आधिकारिक रुपमा अक्षरको सीमा बढाएको हो । ट्वीटरले गत सेप्टेम्बर देखि दुई सय ८० अक्षरको ट्वीटको परीक्षण सुरु गरेको थियो ।
सन् २००६ मा सुरु हुँदादेखि नै ट्वीटरमा एक सय ४० अक्षरको सीमा रहँदै आएको थियो । विश्वमा हाल ३३ करोड मासिक सक्रिय ट्वीटर प्रयोगकर्ता रहेका छन् ।