मेवा र कागती एकसाथ खानुका फाइदाहरु

Newslaya Home

मेवा र कागती एकसाथ खानुका फाइदाहरु

मङ्गलबार १७, साउन २०७४

मेवा र कागती दुवै स्वास्थ्यका लागि लाभदायक हुन्छन् । पेटका लागि मेवा खानु राम्रो हुन्छ किनकि यसमा भिटामिन ए, बी, सी र फाइबर पाइन्छ । कागती खानाले पेट, आँखा र छालाको समस्या हुन दिंदैन । यसमा फस्फोरस, पोटेसियम, आइरन, एन्टीअक्सिडेन्ट्स, कार्बोहाइड्रेट, प्रोटीन र सोडियम जस्ता खनिज पदार्थ पाइन्छन् । यी सबै स्वास्थ्यका लागि लाभदायक हुन्छ ।
आँखा
मेवामा भरपूर मात्रामा क्याल्सियम, केरोटाइन र भिटामिन हुनाले यो आँखाका लागि लाभदायक मानिन्छ । यसको सेवनले रतन्धो हुन दिंदैन ।
तौल घटाउन
बिहान खाली पेटमा मेवा र कागतीको जुस पिउँदा घरीघरी भोक लाग्दैन । यसमा पेक्टिन फाइबर हुन्छ र यसले आन्द्रालाई राम्रो काम गर्ने अवसर दिन्छ । तौल घटाउन पनि यसले मद्दत गर्छ ।
कब्जियत
मेवालाई काटेर त्यसमा मरिच, बीरेनून र कागतीको रस हाल्नुभयो भने खानेकुरा सजिलै पच्छ । अनि यसले कब्जियत पनि हटाउँछ । झाडापखला लाग्ने र मूत्रसमस्या पनि यसले निको पार्छ ।
क्यान्सर
मेवाले कलेजो बलियो बनाउँछ भने कागतीले विषाक्त पदार्थलाई शरीरबाहिर निकाल्छ । दिनदिनै दुई चम्चा मेवाको रसमा आधा चम्चा कागतीको रस मिसाएर पिउँदा लिभर सिरोसिस हुन पाउँदैन । प्रोस्टेट क्यान्सर र ब्लड क्यान्सर पनि यसले रोक्छ ।
मुटु र रक्तचाप
मेवा र कागतीमा प्रचूर फाइबर, भिटामिन सी र एन्टीअक्सिडेन्ट पाइन्छन् । यिनले कोलेस्ट्रोललाई नियन्त्रणमा राख्छन् र मुटुसम्बन्धी समस्या हटाउँछन् । रक्तचाप पनि नियन्त्रणमा राख्छन् ।