खालि पेटमा नखानुहोस् यस्ता खानेकुरा

Newslaya Home

खालि पेटमा नखानुहोस् यस्ता खानेकुरा

मङ्गलबार १७, साउन २०७४

तल उल्लेखित खानेकुराहरु खालि पेटमा खानु हुँदैन । अरुबेला सेवन गर्दा फाइदाजनक भएपनि खाली पेटमा सेवन गर्नाले स्वास्थ्यमा नकारात्मक असर पर्छ । त्यसैले स्वस्थ्य रहनका लागि यी खानेकुराहरु खालि पेटमा भुलेर पनि नखानु होस् ।

१. सोडाः सोडामा धेरै कार्बोनेट एसिड हुने भएकाले खालि पेटमा खानु उचित हुँदैन । त्यसैले खालि पेटमा सोडा सेवन गर्नाले स्वास्थमा नराम्रो असर गर्छ ।
२. गोलभेडाः गोलभेडा स्वादिलो हुन्छ र स्वस्थ्यकर पनि । यसलाई अचार बनाएर खान सकिन्छ, तरकारीमा मिसाउन सकिन्छ । सलादकै रुपमा पनि प्रयोग गर्दा हुन्छ । तर, गुणकारी गोलभेडा खाली पेटमा भने सेवन गर्नु हुँदैन । यसमा एसिड पाइन्छ, जसले खाली पेटमा रासायनिक क्रिया हुन्छ । यसले पेटमा अघुलनशिल जेल निर्माण गर्छ । यो जेल पेटमा स्टोन बन्ने कारण बन्न सक्छ ।
३. औषधिः धेरैजसो औषधि खाली पेटमा सेवन गर्दा प्रभावहीन मात्र हुने होइन, हानिकारक पनि हुन सक्छ । खाना खाइसकेपछि मात्र खाने औषधि आफुखुसी खाली पेटमा सेवन गर्नु हुँदैन ।
४. मदिराः त्यसो त मदिराले स्वास्थ्यमा नराम्रो असर पुर्‍याउँछ । तर, खाली पेटमा यसको असर अझ बढी हानिकारक हुन्छ । खाली पेटमा मदिरा सेवन गर्दा त्यसको नकारात्मक प्रभाव शरीरमा पर्छ र अनेकौ रोगको लाग्छ ।
५. मसलेदार खानाः कहिलेपनि खाली पेटमा मसलेदार खानेकुरा सेवन गर्नु हुँदैन । त्यस्ता खानेकुराले पाचन यन्त्रमा गंभिर असर पुर्‍याउन सक्छ ।
६. कफीः गर्मीमा भन्दा पनि जाडोमा कफीको लत बढी लाग्छ । अन्य समयमा कफी पिउनु खासै नराम्रो मानिदैन । यद्यपी खाली पेटमा भने कफी सेवन गर्नु हानिकारक हुन्छ ।
७. दहीः दही स्वास्थ्यका लागि एकदमै लाभदायक हुन्छ । यसले पाचन क्रियामा पनि राम्रो असर गर्छ । तर, खाली पेटमा दही सेवन गर्दा त्यसले उल्टो असर गर्छ ।
८. केराः केरा खानु राम्रो हो । तर, खाली पेटमा केरा सेवन गर्दा शरीरमा म्यागनेशियम बढ्छ, जसले गर्दा क्याल्सियम र म्याग्नेसियको सन्तुलन बिग्रिन्छ ।