इंग्लिस प्रिमियर लिगमा म्यानचेस्टर युनाइटेड विजयी

Newslaya Home

इंग्लिस प्रिमियर लिगमा म्यानचेस्टर युनाइटेड विजयी

आइतबार ०१, बैशाख २०७६

काठमाडौं । इंग्लिस प्रिमियर लिग फुटबलमा म्यानचेस्टर युनाइटेड विजयी भएको छ । शनिबार राति भएको खेलमा वेस्टह्याम युनाइटेडमाथि २–१ गोल अन्तरको जित निकाल्दै पाँचौ स्थानमा उक्लिएको छ ।

योसँगै म्यानचेस्टर युनाइटेड चौथो स्थानको चेल्सीसँगको अंक दूरी पनि दुईमा झारेको छ । चेल्सीको ६६ अंक छ भने म्यानचेस्टर युनाइटडको ६४ अंक रहेको छ । म्यानचेस्टरको जितमा पोउल पोग्वाले पेनाल्टीमार्फत दुवै गोल गरेका हुन् ।

मार्कस रोजोलाई फल गरेपछि पाएको पेनाल्टीलाई पोग्वाले गोल गर्दै १९ औं मिनेटमा अग्रता दिलाएका थिए । ४९ औं मिनेटमा फिलिप एन्डरसनले गोल गर्दै वेस्टह्यामलाई खेलमा फर्काएका थिए ।

तर ७४ औं मिनेटमा फेरि म्यान्यूले पेनाल्टी पाएको थियो । पेनाल्टीमा पोग्बाले नै गोल गर्दै स्पष्ट तीन अंक दिलाउन सफल भए ।