‘म सुटुक्क होइन, प्रेसलाईसमेत जानकारी गराएर अमेरिका गएको हुँ,’ मुख्यमन्त्री शेरधन राई (भिडियोसहित)

Newslaya Home

‘म सुटुक्क होइन, प्रेसलाईसमेत जानकारी गराएर अमेरिका गएको हुँ,’ मुख्यमन्त्री शेरधन राई (भिडियोसहित)

शुक्रबार ३०, कार्तिक २०७५

विराटनगर । आफ्नो विदेश भ्रमण र सोसम्बन्धमा आएको विवादबारे प्रदेश १ का मुख्यमन्त्री शेरधन राईले प्रष्टिकरण दिएका छन् ।

उनले भिडियो र प्रेस विज्ञप्ती जारी गर्दै प्रष्टिकरण दिएका हुन् । उनले आफूलाई अमेरिका भ्रमणको समयमा अनावश्यक विवादमा मुछिएको बताए । उनले आफूलाई केही निहित स्वार्थ बोकेका मिडियाहरुले दुष्प्रचार गरेको समेत आरोप लगाएका छन् ।

उनले आफू दुई वर्षदेखि घाँटीको समस्यासँग जुधिरहेको र चिकित्सकहरुको सल्लाहमा बैंकक गएको बताए । उनले बैंककमा उपचार गरेर रिपोर्ट नआउन्जेल अमेरिकाका केही स्थानमा घुमेको समेत बताएका छन् । उनले आफू सुटुक्क नभई सबैलाई जानकारी गराएर अमेरिका गएको समेत उनले बताएका छन् । उनले निजी भ्रमण भएकोले रातो पासपोर्टसमेत प्रयोग नगरेको बताए । 

अमेरिकामा प्रवासी मञ्च र आदिवासी जनजाति महासंघको आयोजनामा भएको कार्यक्रममा सहभागि भएको र अमेरिकाको केही ठाउँ घुमेको उनले बताए । 

उनले ६ महिनासम्म औषधी सेवन गर्दा निको हुने जाँच बाट पत्ता लागेकोसमेत उनले जानकारी गराएका छन् ।

उनले उपचारको सम्पूर्ण खर्च आफै व्यहोरेको र कसैसँग नलिएको समेत बताएका छन् । उनले आफ्नो स्वास्थ्य लाभको कामना गर्ने सबैलाई धन्यवादसमेत दिएका छन् ।
भिडियो: