दशैंमा अत्याधिक यात्रु बोकेर धरान हिडेको बस पथरीमा पल्टियो, ४० बढी घाइते

Newslaya Home

दशैंमा अत्याधिक यात्रु बोकेर धरान हिडेको बस पथरीमा पल्टियो, ४० बढी घाइते

आइतबार ०४, कार्तिक २०७५

पथरीशनिश्चरे । धरानको लागि हिडेको नागरिक यातायातको बस मोरंगको पथरीमा दुर्घटनाग्रस्त भएको छ । 
बस सडकमा पल्टिएको हो । 

आइतबार १२ बजे पूर्वबाट धरान जाँदै गरेको को १ ख ४५१७ नम्बरको बसले नम्बर नखुलेको कारलाई जोगाउने हुँदा बस पल्टिएको हो । पथरीशनिश्चरे–१, स्थित ट्राफिक प्रहरी कार्यालय देखि ५ सय मिटर पूर्व घटना भएको हो ।

बस अनियन्त्रीत भई सडकको उत्तर पट्टि पल्टिएको थियो । दशैंको समयमा क्षमता भन्दा बढी यात्रु बोकेकोकारण बस अनियन्त्रित भएको बताइएको छ । 

बसमा ५० भन्दा बढी सवार भएको घटनामा घाइते हेमकुमारी थापा खड्काले बताइन् ।

केही घाइतेहरुको पथरी हस्पिटलमा उपचार भैरहेको छ । केही सामान्य उपचार पछि घर फर्केका  छन् ।